१५ जना नेपालीहरु अलपत्र

काठमाडौं। वैदेशिक रोजगारीका लागि साउदी अरबको रिहादमा पुगेका १५ जना नेपालीहरु अलपत्र परेका छन् ।

काठमाडौंको सामाखुसीमा रहेको अल्फारुक ओभरसिस म्यानपावर कम्पनीबाट २ महिना अघि साउदी पुगेका उनीहरु काम नपाएपछि उतै अलपत्र परेका हुन् ।

पीडित पक्षले म्यानपावर कम्पनीले धम्की दिने गरेको आरोप लगाएका छन् ।

यता, म्यानपावर कम्पनीले भने दिएको काम नगरेको भन्दै पीडितका विरुद्ध विभागमा उजुरी दिएको छ ।

पीडितहरु मध्ये २ जना बिरामी परेका छन् । उनीहरुलाई गैरआवासीय नेपालीले रकम जम्मा गरी खानाको ब्यवस्था गरेका छन् ।

वैदेशिक विभागले छानविन गरेर सत्यतथ्य सार्वजनिक गर्ने बताएको छ ।

अलपत्र नेपालीहरुले आफन्त र म्यानपावर कम्पनीलाई आफूहरुलाई नेपाल झिकाउन माग गरिरहेका छन् ।